المستجد التربوي المستجد التربوي

آخر الأخبار

جاري التحميل ...

هام لطلبة الباكالوريا ... نصائح وآفاق مابعد الباكالوريا

هام لطلبة الباكالوريا ... نصائح وآفاق مابعد الباكالوريا

قطـــاع الإقتصاد و التدبير: 
هاد القطاع لي كايتعتابر من أكثر المجالات حيوية فسوق الشغل و لي كايعرف إقبال كبير بزااف و لهذا غادي نعطيكم معلومات بالتفصيل على بعض المؤسسات و المدارس و المعاهد العليا العمــــــومية لي كاتوفر تكوينات فمجال الإقتصاد و التدبير :

 1- المدرسة الوطنية للتجارة و التسيير ENCG

 هي مدرسة كاتتواجد حاليا ف 10 مدن ، كادوم فيها الدراسة 5 سنوات كاتسالي بالحصول على ديبلوم خاص بهاد المدرسة فواحد من بزاف ديال التخصصات المتاحة بحال التجارة الدولية، التدبير المالي، تدبير الموارد البشرية ... باش تترشح لولوج هاد المدرسة كايخص باك علوم تجريبية أو علوم رياضية أو علوم الإقتصاد و التدبير ، من بعد الترشيح كاتجي المرحلة الأولى ولي هي الإنتقاء الأولي لي كاتكون بناء على %75 وطني + %25 جهوي .

2- المعهد العالي للتجارة و إدارة المقاولات ISCAE :معهد لي كايتعتابر من بين أرقى المعاهد العمومية في مجال الإقتصاد و التدبير ، كايتواجد فكل من مدينتي الدارالبيضاء و الرباط ، كادوم فيه مدة الدراسة فسلك الإجازة الأساسية في التدبير 3 سنوات من بعد الباك ، و لي كاتفتح الأبواب لإستكمال الدراسة فأكبر المدارس العليا الأوروبية، ولوج هاد المعهد كايتطلب التوفر على شهادة بكالوريا علوم تجريبية أو علوم رياضية أو علوم الإقتصاد و التدبير + السن أن لا يتجاوز 21 سنة 

3-المدرسة العليا للتكنولوجيا EST :
هي مدرسة كاتتواجد فعدة مدن ، كادوم فيها الدراسة سنتين كاتسالي بالحصول على شهادة التقني العالي أو ما يسمى بالديبلوم الجامعي للتكنولوجيا DUT و لي كايمكن مولاه يا إما من متابعة الدراسات العليا فسلك الإجازة المهنية أو ولوج وحدة من المدارس و المعاهد العليا بحال ENCG و ISCAE ... ، و أيضا يمكن ولوج سوق الشغل مباشرة بشهادة DUT كتقني عالي فواحد من التخصصات لي كاتوفرها هاد المدرسة بحال تقنيات التدبير ، تدبير الموارد البشرية ، تقنيات التدبير التسويقي ...
ولوج هاد التخصصات كايشتارط بكالوريا علمية أو إقتصاد + السن أن لا يتجاوز 21 سنة ، دائما هناك إنتقاء أولي بناء على %75 وطني + %25 جهوي كملاحظة عتبات الإنتقاء كاتلعب ما بين 13 تال 14 بالنسبة لباك علوم تجريبية ـ و ما بين 11 تال 12 بالنسبة لباك علوم رياضية و علوم الإقتصاد و التدبير.

4- المعهد المتخصص للتكنولوجيا التطبيقية ISTA :
هو معهد تابع لمكتب التكوين المهني و كايتواجد تقريبا فكل مدينة   كادوم فيه الدراسة سنتين كاتسالي بالحصول على ديبلوم التقني المتخصص لي كايأهل لولوج سوق الشغل كتقني فواحد من التخصصات لي كايوفرها المعهد بحال تدبير المقاولات ، التسويق ... ولوج هاد التخصصات كايتطلب بكالوريا علمية أو إقتصاد ، كايكون إنتقاء فقط بدون مباراة 
و للإشارة فبض المرات فاش كايكون الطلب كبير على هاد التخصصات راه كايديرو العتبة 12 فما فوق ، أما فاش ماكايكونش الطلب فراه بعض المرات كايكون ولوج مباشر .


قطاع الصحة
هاد القطاع لي كايتعتابر من أبرز المجالات و عندوا قيمة كبيــرة سواء اجتماعيا أو حتا إنسانيا ،  هنا غادي نهضر على 3 دالمؤسسات عمـــومية لي كاتأهل لولوج هذا القطاع :
لإشارة، هاد المعاهد بالأساس كاتطلب بكالوريا علمية ، لكن هناك بعض التخصصات لي ممكن حتا الحاصلين على باك آداب يولجوهم بحال تخصص المساعدة الإجتماعية ...




1- كلية الطب و الصيدلة FMP : 
كاتتواجد فمجموعة من المدن (مذكورة فالصورة أسفله) و هي كلية كادوم فيها الدراسة 7 سنوات كاتسالي بالحصول على شهادة دكتوراه في الطب العام أو 6 سنوات و كاتسالي بالحصول على دكتوراه في الصيدلة ، يعني هاد الكلية بالأساس كايتخرجوا منها الأطباء لي يمكن ليهم يخدموا فالقطاع العام لولوج هاد الكلية لابد من بكالوريا علوم التجريبية (PC-SVT-Agro) أو حتا بكالوريا علوم رياضية أ ، و كايكون إنتقـــاء أول حاجة بناء على %75 من معدل الإمتحان الوطني + %25 من معدل الإمتحان الجهوي (عتبة الإنتقاء كاتلعب ما بين 14 تال 16 حسب كل مدينة و كل سنة) .

2- كلية طب الأسنان FMD :
كاينة فكل من مدينتي الدارالبيضاء و الرباط ، كيفما كايشير الإسم ديالها ، هي كلية كايتخرجوا منها بالأساس أطباء الأسنان من بعد 6 سنوات من الدراسة كايحصلوا فيها على شهادة الدكتوراه في طب الأسنان ، نفس الشيء كاين إنتقاء أولي ثم مباراة (عتبة الإنتقاء كاتكون مرتفعة نسبيا بحيث طيلة السنوات الأخيرة العتبة مكاتنزلش على 16,80).

3- المعاهد العليا للمهن التمريضية و تقنيات الصحة ISPITS :
كاتواجد فعدد كبير من المدن (23 مدينة) ، و هي معاهد لي كادوم فيها الدراسة 3 سنوات كاتسالي بالحصول على شهادة الإجازة المهنية في علوم الصحة ، يعني كايتخرجوا مها الممرضين و الممرضات ، فبزاااف ديال التخصصات بحال التخدير و الإنعاش ، الترويض الطبي ، القبالة ، الصحة النفسية ... ، بطبيعة الحال كايكون إنتقاء أولي (عتبة الإنتقاء كاتلعب ما بين 11 تال 17 حسب المدينة و التخصص المرغوب فيه.

بالتوفيق للجميع

التعليقات



جميـــع المقالات و المواضيع المنشورة لدينا هنا في موقع المستجد التربوي " www.mostajad.com " تعبر عن رأي أصحابها وليس للموقع أي مسؤولية إعلامية أو أدبية أو قانونية، وحقوق الطبع محفوظة بالكامل من قبل المصدر.

إتصل بنا

جميع الحقوق محفوظة

المستجد التربوي

2016